Qëllimi i kësaj kampanje është imformim dhe promovim të të drejtave themelore të gjithë pjesëmarrësve në një procedurë penale, me vështrim të veçantë në të drejtën për një gjykim të drejtë dhe fer, të parashikuar në Kushtetutën e RM-së, në Konventën Evropiane për të Drejtat e Njeriut, si edhe në legjislacionin procedural vendas. Rezultatet që priten të arrihen me këtë kampanjë janë:

• Njohja e publikut të gjerë (qytetarëve) me standardet e parashikuara në nenin 6 të Konventës Evropiane për të Drejtat e Njeriut, kështu që do të informohen për thelbin dhe për rëndësinë e së drejtës për një gjykim të drejtë.
• Kontributi në ngritjen e vetëdijes për paanshmërinë dhe pavarësinë e gjyqtarëve në procedurat gjyqësore, si edhe për të drejtën e mbrojtjes së të pandehurit në një procedurë penale.
• Ngritja e vetëdijes për të drejtën fundamentale të njeriut – e drejta për gjykim të drejtë dhe fer dhe se të gjitha palët janë të barabartë para ligjit, duke theksuar nevojën dhe rëndësinë për një gjykim të drejtë dhe për një gjykatë absolutisht të pavarur, nëpërmjet respektimit të ligjeve pa përjashtim dhe zbatimit të tyre mbi të gjitha aktorët në një shoqëri.

Civika mobilitas e përkrah shoqërinë civile në promovimin e ndryshimeve shoqërore në fusha (strategjike), siç janë: qeverisja e mirë, decentralizimi dhe zhvillimi i shoqërisë civile. Gjithashtu, përkrahet shoqëria civile edhe në drejtimin e tre “temave transverzale”: çështjet gjinore, marrëdhëniet ndëretnike dhe migracioni. Të gjitha rajonet dhe komunat janë të rëndësishme për Civika mobilitas, e cila do të përpiqet t'i zvogëlojë dallimet rajonale dhe sektoriale në zhvillimin e shoqërisë civile. Zhvillimi institucional i menduar mirë dhe me kujdes si edhe forcimi organizativ duhet të kontrubuojnë edhe në zhvillimin e tërë shoqërisë civile si sektor, si edhe në forcimin e vet organizatave civile.